काठमाडौं- चौथो संस्करणको ललित स्मृति कप यू-१८ च्याम्पियनसिप फुटबलमा ब्रिगेड ब्वाईज क्लबल च्याम्पियन बनेको छ । सातदोबाटो स्थित एन्फा कम्प्लेक्समा आइतबार भएको फाइनल खेलमा विभागिय टोलो नेपाल पुलिस क्लबलाई १-० गोलले पराजित गर्दै उपाधि जितेको हो ।
उपाधिसँगै ब्रिगेडले ३ लाख रुपैयाँ प्राप्त गरेको छ । उपविजेता बनेको पुलिसले १ लाख ५० हजारमा चित्त बुझायो । खेलको एकमात्र निर्णाय गोल पहिलो हाफमा भएको थियो ।
ब्रिगेड ब्वाईजको जितका लागि खेलको एकमात्र निर्णायक गोल बिर्जेश चौधरीले गरेका हुन् । उनले खेलको २३ औं मिनेटमा गोल गर्दै ब्रिगेडलाई उपाधि दिलाए । निकै नै रोमाञ्चक बनेको खेलमा पुलिसले आफ्नो गोल गर्ने प्रयासलाई सफल पार्न सकेन् ।
यसअघिको उपाधि पनि ब्रिगेड ब्वाइजले उचालेको थियो । यता पुलिस भने ललित स्मृति कप यू-१८ च्याम्पियनसिपमा पहिलो पटक फाइनल प्रवेश गरेको हो ।
प्रकाशित: Dec 31, 2017| 18:23 आइतबार, पुस १६, २०७४