काठमाडौं- सत्तारुढ दल नेकपाको सचिवालय बैठक बस्नुअघि पूर्वमाओवादीहरु छुट्टै भेलामा बसेका छन् ।
पार्टीले विभिन्न विभाग, जिल्ला इन्चार्जसहितका महत्वपूर्ण जिम्मेवारी तोक्ने तयारी गरेसँगै पूर्वमाओवादीहरु भागबन्डा मिलाउन प्रचण्ड निवास खुमलटारमा भेला भएका हुन् । बैठकमा कसलाई के जिम्मेवारी दिने भन्ने विषयमा छलफल भइरहेको एक नेताले जानकारी दिए ।
एकता प्रक्रियामा टुंगो लगाउनु पर्ने जिल्ला इन्चार्जहरु, केन्द्रीय विभाग, आयोग, सल्लाहकार परिषद, जेष्ठ कम्युनिष्ट मञ्चलगायतका विषयमा आजै सचिवालयले टुंगो लगाउने तयारी छ।
३२ केन्द्रीय विभागमध्ये १८ पूर्व एमाले र १४ पूर्व माओवादीले लिने गरी भागवण्डाको सहमति भइसकेको छ। पूर्व माओवादीले पाएको भागवण्डामा छलफल गरी नाम तय गर्न बैठक बसेको ती नेताले बताए।
पूर्व एमालेतर्फकाले बिहीबार साँझ, शुक्रबार र शनिबार आफ्नो पूर्ववत समूहमा छलफल गरेका थिए । असार ३१ गते साँझ अबेरसम्म बसेको शीर्ष नेताहरूको बैठकले पूर्व एमाले र पूर्व माओवादीबीच विभागहरूको भागबण्डा गरेको थियो ।
प्रकाशित: Dec 31, 2017| 18:23 आइतबार, पुस १६, २०७४