बुधबार, कात्तिक २७, २०७६

समाचार

सीमा विवाद चर्किएपछि प्रधानमन्त्रीले बोलाए सर्वपक्षीय बैठक

सीमा विवाद चर्किएपछि प्रधानमन्त्रीले बोलाए सर्वपक्षीय बैठक

काठमाडौं- प्रधानमन्त्री केपी शर्मा ओलीले सर्वपक्षीय बैठक बोलाएका छन्। भारतले जारी गरको नयाँ नक्सामा नेपालको कालापानी, लिपुलेक र लिम्पियाधुरा समावेश गरेपछि उत्पन्न परिस्थितिबारे छलफल गर्न ओलीले सर्वपक्षीय बैठक बोलाएका हुन्।

प्रधानमन्त्री ओलीले शनिबार दिउँसो ४ बजे बालुवाटारमा सर्वपक्षीय बैठक बोलाएका हुन्।

प्रधानमन्त्री ओलीले भारतले आफ्नो नक्सामा राखेको दार्चुलाको कालापानी र लिपुलेकबारे छलफल गर्न सर्वपक्षीय बैठक आह्वान गरेका उनका प्रेस संयोजक चेतन अधिकारीले जानकारी दिए।

प्रधानमन्त्री ओलीले शनिबार दिउँसो ४ बजे सबै राजनीतिक दलका प्रमुख, पूर्वपरराष्ट्र मन्त्री तथा पूर्वप्रधानमन्त्रीलाई बैठकमा बोलाएका छन्।

भारतले कालापानी, लिपुलेक र लिम्पियाधुरालाई आफ्नो नयाँ राजनैतिक नक्सामा समेटेपछि नेपालमा त्यसको विरोधमा चर्को प्रदर्शन भैरहेका छन्। ठाउँठाउँमा भारत विरोधी नारा लगाइएका छन् भने मोदीको पुत्लासमेत दहन गरिएको छ। प्रदर्शनमा उत्रिएकाहरुले 'ब्याक अफ इण्डिया'लगायतका नारा लगाएका छन्। उनीहरुले यसबारे सरकारलाई पहल गर्न मागसमेत गरेका छन्।

 

 

प्रतिक्रिया दिनुहोस्