नेकपाले आज विभाग प्रमुख र जिल्ला इन्चार्ज ताेक्ने

काठमाडौं- महत्वपूर्ण जिम्मेवारीहरु बाँडफाँड गर्न सत्तारुढ दल नेकपाले सचिवालय बैठक डाकेकाे छ । 

आइतबार (आज) दिउँसो १ बजे बालुवाटारमा बस्ने बैठकले विभाग प्रमुख र उप्रमुख, जिल्ला इन्चार्ज सहइन्चार्ज लगायत विभिन्न संगठनको नेतृत्व टुङ्गो लगाउने भएको छ । आजको बैठकले एकताको सबै काम सक्ने नेकपाका प्रवक्ता नारायणकाजी श्रेष्ठले जानकारी दिए । 

नेकपामा विभाग, आयोग, जिल्ला इन्चार्ज, जेष्ठ कम्युनिस्ट मञ्च, सल्लाहकार परिषद्मा एमाले माओवादीले के कति संख्यामा लिनेबारेमा टुंगो लागिसकेको छ। ३२ वटा विभाग रहेको नेकपामा तत्कालिन एमाले पक्षले १८ र माओपादी पक्षले १४ लिने सहमति भइसकेको छ।

यस्तै, कुल ७७ जिल्ला इन्चार्जमध्ये एमाले ४६ माओवादी ३१ जिल्ला इन्चार्ज पाउने गरि भागबन्डा मिलाइएको छ । ज्येष्ठ कम्युनिस्ट मञ्च तत्कालिन माओवादी र सल्लाहकार परिषद्को नेतृत्व तत्कालिन एमाले पक्षले लिने भागबन्डा गरिएको छ । तीन आयोगमा दुई पूर्वएमाले एक आयोग माओवादीको परेको छ।

आजको बैठकमा तत्कालिन एमाले र माओवादीले आ–आफ्नो भागमा परेका संगठन प्रमुख उपप्रमुखको नाम सिफारिस गर्ने तयारी छ। सिफारिस गरिएको नामलाई सकेसम्म आजै अनुमोदन गर्ने तयारी रहेको स्रोतले जनाएको छ।