धनगढी विस्फोट : फेसबुकमा आयु लेखेको चार दिनमै सिंहले संसार छाडे

धनगढी - ‘यो आकाशको उचाइ कति छ भनेर कसलाई के थाहा ? मेरो जिन्दगीको आयु कति छ भनेर मलाई के थाहा ? फेसबुकमा रहेका सबै साथीलाई न्यायो माया ।’

बिहीबार बेलुकी धनगढीमा भएको बम विस्फोटमा परी ज्यान गुमाउने २७ वर्षीय राम सिंहले आफ्नो फेसबुक वालमा लेखेको अन्तिम स्टाटस हो यो ।

नभन्दै फेसबुक स्टाटस लेखेको चार दिनपछि उनको आयु सकियो । आफ्नो जिन्दगीको आयु थाहा नभएको बारे असार २९ गते फेसबुक वालमा लेखेको चार दिनपछि आफंैले बोकेको बम पड्किएर सिंहले सदाका लागि संसार छोडे ।

बझाङ जयपृथ्वी नगरपालिका–१ कैलाशपिमी घर भएका सिंह आफूले संसार त छोडेर गए सँगैको साथी लक्ष्मण सेरेला र अन्य तीन सर्वसाधारणलाई घाइते तुल्याए । बायाँतिर कम्मरभन्दा तलको भाग अधिकांश बलमे उडाएर गम्भीर घाइते भएका सिंहले राति ११ बजे संसार त्यागे । उनी विप्लव समूहको नेकपामा रहेको पुष्टि भएको छ । उनीसँगै घाइते भएका सेरेला पनि विप्लव समूहकै कार्यकर्ता रहेको सो पार्टीले जनाएको छ ।

उनले फेसबुकमा विप्लव समूहले गरेका घटनासँग सम्बन्धित समाचार तथा सोही समूहका नेताका भाषण सेयर गरेका छन् । तीन दाजुभाइका जेठा राम र अरु दुई भाइसँगै लगेर छ–सात महिनापहिले धन कमाउन भारतको बैङलोर गएको दाजु गंगाले बताए ।

उनले फेसबुकमा विप्लव समूहले गरेका घटनासँग सम्बन्धित समाचार तथा सोही समूहका नेताका भाषण सेयर गरेका छन् । तीन दाजुभाइका जेठा राम र अरु दुई भाइसँगै लगेर छ–सात महिनापहिले धन कमाउन भारतको बैङ्लोर गएको दाजु नाता पर्ने गंगाले बताए । उनका दुई भाइ बैङ्लोरमै छन् ।

सिंहको शव पोस्टमार्टमका लागि सेती अञ्चल अस्पतालमा राखिएको छ । पोस्टमार्टमपछि धनगढीमा रहेका आफन्तले धनगढीमै दाहसंस्कार गर्ने तयारी गरेको भतिजा उकेश सिंहले जानकारी दिए ।