तनहुँ- डिभिजन सडक कार्यालय, दमौलीका कम्प्युटर अपरेटर प्रकाश पौडेल घुस लिँदालिँदै पक्राउ परेका छन्।
सडक योजनाको भुक्तानी गरिदिएबापत् सेवाग्राहीसँग घुस लिइरहेका पौडेललाई खख्तियार दुरुपयोग अनुसन्धान आयोगको टोलीले पक्राउ गरेको हो। उनीसँग वाइल्ड स्ट्रोङ कन्सल्टेन्सीका सुमित शाही पनि पक्राउ परेको अख्तियार प्रवक्ता प्रदीपकुमार कोइरालाले जनाएका छन्।
वाइल्ड स्ट्रोङ कन्सल्टेन्सीका सुमित शाहीले सडक स्तरोन्नति सम्बन्धी योजनाको भुक्तानी गरिदिए बापत विभिन्न बहानामा सेवाग्राहीसँग घुस माग गरिरहेको भन्ने सूचनाको आधारमा अख्तियार दुरूपयोग अनुसन्धान आयोगको कार्यालय, पोखराबाट गएको टोलीले पौडेल र शाहीलाई १ लाख ७५ हजार रकमसहित नियन्त्रणमा लिएको हो।
उनीहरुलाई डिभिजन सडक कार्यालय, दमौली कार्यालय परिसरबाटै रङ्गेहात नियन्त्रणमा लिई अनुसन्धान भइरहेको अख्यिारले जनाएको छ।
प्रकाशित: Dec 31, 2017| 18:23 आइतबार, पुस १६, २०७४