बुधबार, कात्तिक २७, २०७६

अर्थ

राष्ट्र बैंकले एक अर्ब ३१ कोरोड लगानी गर्दै

राष्ट्र बैंकले एक अर्ब ३१ कोरोड लगानी गर्दै

काठमाडौं- नेपाल राष्ट्र बैंकले एक वर्षको लागि विभिन्न कोषमा रहेको रकम मुद्दति निक्षेपमा लगानी गर्ने भएको छ।

बैंकले बुधबार सार्वजनिक सूचना जारी गरी बैंक तथा वित्तीय कम्पनीहरुमा एक अर्ब ६३ करोड ९४ लाख रुपैयाँ लगानी गर्ने जनाएको हो।

राष्ट्र बैंकले क बर्गका बाणिज्य बैंकहरुमा एक अर्ब ३१ करोड १६ लाख रुपैयाँ, ख बर्गका विकास बैंकहरुमा २४ करोड ५९ लाख रुपैयाँ र ग बर्गको फाइनान्समा ८ करोड १९ लाख रुपैयाँ एक वर्षे मुद्दति निक्षेप राख्ने जनाएको छ।

राष्ट्र बैंकले निक्षेप राख्न बैंक तथा वित्तीय संस्था दुई वर्ष पुरा भएको हुनुपर्ने, तोकिएको न्युनतम पुँजीकोष पुगेको, पाँच प्रतिशत भन्दा कम निष्कृय कर्जा भएको, खुद तरल सम्पत्ति बीस प्रतिशत भन्दा बढी भएको, निक्षेप र प्राथमिक पुँजी अनुपात राष्ट्र बैंकले निर्धारण गरे अनुसार, रियलस्टेट कर्जा तोकिएको सीमाभित्र रहेको, शिघ्र सुधारात्मक कारबाहीमा परेको ६ महिना पुरा भएको हुनुपर्ने लगायतका ११ वटा शर्त राखेको छ।

राष्ट्र बैंकले रकम लिन चाहने बैंक तथा वित्तीय संस्थाले कात्तिक २२ गतेभित्र शिलबन्दी दरभाउपत्र सम्बन्धि फाराम भरी बुझाइसक्न अनुरोध गरेको छ। केन्द्रीय बैंकले व्याज भुक्तानी भने त्रैमासिक रुपमा गर्नुपर्ने जनाएको छ।

पछिल्लो समयमा बैंक तथा वित्तीय संस्थाहरुमा तरलताको अभावका कारण थप लगानी गर्न नसकेको अवस्थामा राष्ट्र बैंकले बैंक तथा वित्तीय संस्थाहरुमा लगानी गरी उनीहरुलाई सहज बनाउने वातावरण तयार गरेको छ।

प्रतिक्रिया दिनुहोस्