तीन लाख धरौटी तिर्न नसक्दा सञ्जेल पत्नीसहित तीनजना जेल चलान

काठमाडौं - सामाजिक अभियन्ता उत्तम सञ्जेलकी पत्नी कला जेल चलान भएकी छन्। बौद्धस्थित समता अस्पतालमा कार्यरत २७ वर्षीया विमला तामाङको आत्महत्यापछि अस्पताल सञ्चालक उत्तमकी पत्नी कला अस्पतालको रिसेप्सनमा काम गर्ने संगीता केसी र सफाइको काम गर्ने तीर्थ कुमारी पक्राउ परेका थिए।

मृतक विमलाको खल्तीमा तीनजनाको नाम फेला परेपछि आफन्तले हत्याको आरोपमा किटानि जाहेरी दिएका थिए। प्रहरीले उनीहरुलाई पक्राउ गरी अनुसन्धान अगाडि बढाएको थियो। पक्राउ परेका तीनैजनामाथि काठमाडौ जिल्ला अदालतले जनही ३ लाख धरौटी माग गरेको थियो । धरौटी तिर्न नसकेपछि तीनैजना जेल चलान भएका हुन । उनीहरुलाई केन्द्रीय कारागार सुन्धारामा लगिएको छ।