बाढी पहिरोमा मर्नेको संख्या ९० पुग्यो, २९ अझै बेपत्ता

काठमाडौं- एक सातादेखिको बाढी पहिरोबाट मर्नेको संख्या ९० पुगेको छ।

गृहमन्त्रालयका अनुसार बिहीबार बिहान साढे १० बजेसम्म मृतकको संख्या ९० रहेको छ भने २९ जना अझै पनि बेपत्ता रहेका छन्।

कुल ३४ जिल्लामा ४१ जना घाइते भएका छन् भने ११ हजार ८ सय ३९ जना विस्थापित भएका छन्।

केही दिन यता पानी पर्नेक्रम कम भए पनि कतिपय स्थानमा अहिले पनि पानी जमेको छ।

निरन्तरको वर्षाका कारण केही राजमार्गहरु अबरुद्ध भएको र खुलाउने प्रयास भइरहेको जनाइएको छ।

अवरुद्ध र खुलाउने प्रयास भइरहेका राजमार्गहरु 

• उदयपुर गाईघाट – खोटाङ्ग 
• कटारी –ओखलढुङ्गा
•  जयराम घाट –घुर्मीसम्म
• महोत्तरी जनकपुर– जलेश्वर ९भाप्सि खोला डाइभर्सन०
• सिन्धुली– मध्य पहाडी लोक मार्ग
• मेची राजमार्ग
• कान्ति लोकपथ ९हेटौडा०
• बेनी–जोमसोम 
• लमजुङ बेसिशहर – चामे सडकखण्ड
• कुलेखानी–फाखेल–फर्पिङ्ग
• ईन्द्रसरोबर फाखेल – काठमाण्डौ
• साघारा देखि सिरहा जाने हुलाकी राजमार्ग 

    डुवान प्रभावित जिल्ला सिरहा, महोत्तरी, धनुषा, रौतहटका भित्री बाटाहरु धेरै बन्द छन् क्रमश खुल्दैछन्।