मंगलबार, मंसिर ३, २०७६

खेलकुद
बराबरीमा रोकियो बार्सिलोना

एजेन्सी- स्पेनिस महारथी क्लब बार्सिलोना युइएफए च्याम्पियन्स लिग फुटबलमा बराबरीमा रोकिएको छ।

मंगलबार राति भएको खेलमा बार्सिलोना स्लाभियासँग गोल रहित बराबरिमा रोकिएको हो। घरेलु मैदान नोउ क्याम्पमा भएको खेलमा बार्सिलोनाले केही सुन्दर अवसरहरु खेल फल्दा गोल रहित बराबरी खेलेको हो।

कप्तान लियोनेल मेस्सीले खेलको ३५औं मिनेटमा आर्टुरो भिडालको पासमा गरेको प्रहार क्रसबारमा लागेर बाहिरिदा बार्सिलोना अग्रता लिनबाट चुकेको थियो। ४३औं मिनेटमा पुनः मेस्सीको प्रहार गोलरक्षक ओनरेज कोलारले सहजै बचाए।

पहिलो हाफको इन्ज्युरी समयमा स्लाभियाका खेलाडीले गोल गरेको गोललाई रेफ्रीले मन्यता दिएनन्। ७८औं मिनेटमा युवा खेलाडी अन्सु फातीको पासमा मेस्सीको प्रयास गोलरक्षकले विफल पारिदिए।

बराबरीसँगै बार्सिलोना समूह ‘एफ’ मा ४ खेलबाट ८ अंक जोडेर शीर्षस्थानमा यथावत छ। स्लाभिया २ अंक जोडेर पुछारमा छ।

प्रतिक्रिया दिनुहोस्