एजेन्सी- अफ्रिका कप अफ नेसन्समा नाइजेरिया तेस्रो भएको छ । तेस्रो स्थानका लागि भएको खेलमा ट्युनेसियालाई १-० गोलले पारजित गर्दै नाइजेरिया तेस्रो भएको हो ।
नाइजेरियाको जितका लागि खेलको एकमात्र निर्णायक गोल ओडियन इग्लुले गरे । उनले खेल सुरु भएको तेस्रो मिनेटमा नै गोल गर्दै नाइजेरियालाई अग्रता दिलाएका थिए । त्यसपछिमा दुबै टोलीबाट कुनै पनि थप गोल हुन नसक्दा खेल नाईजेरियाले जितेको हो ।
इग्लु प्रतियोगिता कै सर्वााधिक गोलकर्ता समेत हुन् । उनले प्रतियोगितामा सर्वाधिक ५ गोल गरेका छन् । नाइजेरियाले तीन पटक उपाधि जितेको छ भने यो आठौं पटक तेस्रो स्थानमा रहन सफल रह्यो । सेनेगल पहिलो पटक प्रतियोगिताको उपाधिको नजिक छ । उसले सन् १९९० को विजेता अल्जेरियासंग शुक्रबार फाईनल खेल खेल्नेछ ।
प्रकाशित: Dec 31, 2017| 18:23 आइतबार, पुस १६, २०७४