आइतबार, जेठ १८, २०७७

समाचार

जलविद्युत आयोजनाको सुरुङमा फसेका ४ जना मजदुरको मृत्यु

1572870931Bajhang.jpg

बझाङ- बझाङको बुङ्गल नगरपालिका–२ दाडिममा निर्माणाधिन कालंगागाड जलविद्युत आयोजनाको सुरुङमा फसेका ४ जना मजदुर मृत अवस्थामा फेला परेका छन्।
आइतबार दिउँसो ३ बजेदेखि सुरुङभित्र फसेका उनीहरुलाई २४ घण्टापछि सोमबार ३ बजे बाहिर निकालिएको हो।
ज्यान गुमाउनेमा दैलेखको गुराँस गाउँपालिका–३ का कर्णबहादुर शाही, र महेन्द्रबहादुर शाही, अछामको तुर्माखाँद गाउँपालिका–६ का महेन्द्र साउद र बझाङ बुंगल नगरपालिका– १ का शेरसिंह धामी रहेका छन्।
सोमबार दिउँसो हेलिकप्टरमार्फत घटनास्थल पुगेको सशस्त्र प्रहरी बल विपद् व्यवस्थापन तालिम शिक्षालयको उद्धार टोलीले सुरुङबाट शव निकालेको जिल्ला प्रहरी कार्यालय बझाङका डीएसपी गणेश बमले जानकारी दिए।
अक्सिजनको कमिका कारण निसास्सिएर उनीहरुको मृत्यु भएको अनुमान गरिएको छ।
एक हजार चार सय मिटर सुरुङ्ग खनिएकोमा आठ सय मिटर मात्र जानका लागि उपयुक्त रहेको आयोजनाले जनाएको छ।

प्रतिक्रिया दिनुहोस्