काठमाडौं– भोलि देखि (साउन १) वेभमा आधारित ढुवानी प्रणाली लागु हुने भएको छ ।
राजस्व अनुसन्धान विभागले व्यापारी व्यवसायीहरुलाई सामान ओसार पसारको लागि सहजहोस् भन्ने हेतुले भोलिदेखि सो प्रणाली लागु गर्न लागेको हो ।
वेभ प्रणाली अन्तर्गत व्यापारी व्यवसायिले एक स्थानबाट अर्को स्थानमा व्यवसायिक प्रयोजनको माल सामान ओसारपोसार गर्नु पूर्व सम्पुर्ण विवरण विभागको वेबमा आधारित केन्द्रीय सूचना प्रणालीमा राख्नुपर्ने व्यवस्था छ ।
त्यस्तै विभागले राजमार्गमा अवस्थित राजश्वका ढाटहरु हटाउने व्यवस्था पनि गरिएको छ, जसले व्यापारी व्यवसायिलाई सहज हुने छ ।
एक बर्ष परिक्षणको रुपमा लागु गर्न चेम्वरको आग्रह नेपाल चेम्बर अफ कमर्सले विभागले साउन १ देखि लागु गर्न लागेको सो व्यवस्था भने एक बर्षको लागि परिक्षणको रुपमा लागु गर्न आग्रह गरेको छ । नयाँ व्यवस्थाबाट व्यवसायीहरुलाई सहजता नभएर झन् समस्या पैदा हुन सक्ने अवस्थालाई मध्यनजर गर्दै चेम्वरले सो आग्रह गरेको हो ।
चेम्वरले नगर क्षेत्र भित्रको स्थानीय ढुवानीमा समेत यस्तो व्यवस्था लागु गरिदा व्यवसायमा थप समस्या उत्पन्न हुन सक्ने भन्दै एक परिक्षणको रुपमा लागु गर्न विभागलाई आग्रह गरेको हो ।
चेम्वरले व्यवसायीहरुमा बिषय बस्तुको ज्ञानको अभाव,स्थायी लेखा नम्वर नभएका कर्मचारी तथा कामदारुका कारण सो व्यवस्था पुर्ण रुमपा लागु गर्न सहज नहुने भएकोले सो व्यवस्था गर्न आग्रह गरेको हो ।
प्रकाशित: Dec 31, 2017| 18:23 आइतबार, पुस १६, २०७४