बुधबार, कात्तिक २७, २०७६

विचित्र दुनिया

नाइजेरियाको इग्बो ओरा जुम्ल्याहा बच्चाको ‘राजधानी’

नाइजेरियाको इग्बो ओरा जुम्ल्याहा बच्चाको ‘राजधानी’

काठमाडौं- नाइजेरियाको इग्बो ओरा सहरमा सबैभन्दा बढी जुम्ल्याहा बच्चा जन्मिने गरेको पाइएको छ।

नेसनल सेन्टर फर हेल्थ स्टाटिस्टक्सका अनुसार इग्बो ओरामा प्रतिहजारमा ५० जुम्ल्याहा बच्चाको जन्म हुने गरेको छ। अमेरिकामा भने प्रतिहजारमा ३३ जुम्ल्याहा बच्चा जन्मिने गरेका छन्।

त्यसकारण इग्बो ओरालाई कतिपयले जुम्ल्याहा बच्चाको ‘राजधानी’ भन्ने गरेका छन्।

इग्बो ओरामा जुम्ल्याहा बच्चाको उत्सव मनाउने गरिन्छ। अक्टोबर १८ बाट महोत्सव सुरु भएको छ। यसमा सहभागी हुनका लागि संसारभरबाट जुम्ल्याहा बच्चा त्यहाँ पुग्ने गरेका छन्।

महोत्सवमा सानादेखि ठूलासम्मका जुम्ल्याहाको सहभागिता छ।

इग्बो ओराका स्थानीयका अनुसार पहिले जुम्ल्याहा बच्चा जन्मिनुलाई नराम्रो मानिए पनि अहिले भने आशीर्वादको रूपमा लिइन्छ।

इग्बो ओरामा जुम्ल्याहा धेरै जन्मनुको तथ्य पत्ता नलागेको वैज्ञानिक बताउँछन्। स्थानीय भने महिलाको खानपानका कारण जुम्ल्याहा बच्चाको जन्म हुने गरेको बताउँछन्।

प्रतिक्रिया दिनुहोस्