मंगलबार, कात्तिक २६, २०७६

समाज

नेकपा सचिवालय बैठक अनिर्णित, उम्मेदवार चयन गर्न फेरि बस्ने

नेकपा सचिवालय बैठक अनिर्णित, उम्मेदवार चयन गर्न फेरि बस्ने

काठमाडौं- आगामी उपनिर्वाचनका लागि उम्मेदवार चयन गर्न बसेको सत्तारुढ नेपाल कम्युनिष्ट पार्टी नेकपाको सचिवालय बैठक अनिर्णित बनेको छ।


बैठकमा मंसिर १४ गते हुने निर्वाचनका लागि उम्मेदवारहरु बारे छलफल भए पनि कुनै निर्णय हुने नसकेको सचिवालय स्रोतले जनाएको छ।


उम्मेदवार चयनका लागि नेकपाले आइतबार पुनः सचिवालयमा छलफल गर्ने भएको छ।


प्रधानमन्त्रीसमेत रहेका पार्टी अध्यक्ष केपी शर्मा ओलीको अस्वस्थताका बावजुद शनिबार बालुवाटारमा सचिवालय बैठक बसेको थियो।


त्यसअघि शुक्रबार ओलीले अर्का अध्यक्ष पुष्पकमल दाहाल प्रचण्डसँग छलफल गरेका थिए।


अब आइतबार बस्ने सचिवालय बैठकले प्रतिनिधिसभा, प्रदेशसभा र उपमहानगरपालिका प्रमुखको उम्मेदवार मात्रै तय गर्नेछ।


गाउँपालिका अध्यक्ष तथा उपाध्यक्ष प्रदेश कमिटीले र वडाअध्यक्षको उम्मेदवार सम्बन्धित जिल्ला कमिटीले तोक्ने मापदण्ड बनाइएको छ।

प्रतिक्रिया दिनुहोस्