विप्लवबाट मारिएका प्रहरीको शव अझै उठेन

काठमाडौं- गत असार २५ गते विप्लब समुहसंगको भिडन्तमा मारिएका नेपाल प्रहरीका जवान सन्जीव रार्इको शव अस्पतालबाट अझै उठ्न सकेको छैन । 

 प्रहरी र विप्लब समुहको भिडन्तमा प्रहरी जवान सन्जीवका राई र विप्लब समुहका ओखलढुङ्गा ईन्चार्ज नीरकुमार राईको  गोली हानाहानमा मृत्यु भएको थियो ।

नीरकुमार राईको परिवारले शव बुझेर  दाहसंस्कार समेत गरिसकेका छन । प्रहरी जवान सन्जीवको शव भने धरान स्थित विपी कोइराला स्वास्थ्य विज्ञान प्रतिष्ठानमा राखिएको छ । 

जिल्ला प्रहरी कार्यालय भोजपुरले मौसम  खराबका कारण प्रहरी जवान राईको शव परिवारलाई जिम्मा लगाउन नसकिएको जनाएको छ । सन्जीवको शव उनको जन्मघर खोटाङको च्यास मिटरमा परिवारको जिम्मा लगाउने तयारी भएको थियो । तर, च्यासमिटरमा हेलिकोप्टर जान नसकेपछि ६ दिनदेखि  शव   अस्पतालमा थन्कीएको  हो ।

मौसम खुलेमा सन्जीबको शव नेपाली सेनाको हेलिकोप्टर मार्फत आजै खोटाङ्ग लैजाने तयारी भैरहेको जिल्ला प्रहरी कार्यालय भोजपुरका  प्रमुख डिएसपी नर बहादुर सलामीले  जानकारी दिए ।