एनभीए भलिबल च्याम्पियनसिप असोजमा, बढाइयो पुरस्कार रकम

काठमाडौं- राष्ट्रिय खेल भलिबलको च्याम्पियनसिप असोजमा हुने भएको छ। नेपाल भलिबल संघले असोज १० देखि १६ गतेसम्म एनभीए क्लब भलिबल च्याम्पियनसिप गर्न लागेको हो।

सोमबार बसेको संघको बैठकले अजोसमा च्याम्पियनसिप आयोजना गर्ने निर्णय गरेको हो। दसैँअघि सम्पन्न हुने च्याम्पियनसिपमा विजेताले चार लाख पुरस्कार प्राप्त गर्नेछ।

यता अन्य विधामा पनि पुरस्कार राशि वृद्धि गरिएको छ। गएको प्रतियोगितामा उपाधि विजेताले दुई लाख पुरस्कार प्राप्त गरेको थियो।

यो प्रतियोगिताबाट छनोट भएका पुरुषतर्फ शीर्ष ८ र महिलाको शीर्ष ६ टोलीले क्लब लिगमा स्थान पक्का गर्नेछन्।

हरेक क्बलले तीन विदेशी खलाडी राख्न पाउने व्यवस्था छ। हरेक क्षेत्रका विधागत उत्कृष्ट खेलाडीले १० हजार पाउने छन्।