नयाँ दल दर्ता सनाखतका लागि आयोग जाँदै एकीकृत समाजवादी र लोसपा

काठमाडौं- नयाँ दल दर्ताका लागि निवेदन दिएको माधवकुमार नेपाल नेतृत्वको नेकपा एकीकृत समाजवादी पार्टी र महन्थ ठाकुर नेतृत्वको लोकतान्त्रिक समाजवादी पार्टीका नेताहरू सनाखतका लागि निर्वाचन आयोग जाने भएका छन्।

आयोगले बुधबार बिहान ११ बजेदेखि २ बजेसम्म दल सनाखतका लागि समय निर्धारण गरेको छ। सोही समय भित्र एकीकृत समाजवादी र लोसपाका नेताहरू आयोग जाने भएका हुन्।

एमालेबाट छुट्टिएर माधवकुमार नेपालले नेकपा एकीकृत समाजवादी पार्टी र जसपाबाट अलग भएर महन्थ ठाकुरले लोकतान्त्रिक समाजवादी पार्टी आयोमा दर्ता गरेका छन्। 

दल दर्ताका लागि आवेदन दिएको समयमा हस्ताक्षर गरेका नेताहरूको मात्र सनाखत हुने आयोगले जनाएको छ। नाम मात्रै उल्लेख भएका र पछि आयोगमा निवेदन दिएका केन्द्रीय सदस्य एवं सांसदहरूलाई सनाखतमा सहभाग नगराइने आयोगले जनाएको छ।