एजेन्सी- भारतीय विकेटकीपर ब्याट्सम्यान महेन्द्र सिंह धोनीलाई आइसिसीले भारतीय सेनाको बलिदानको चिन्ह प्रयोग गर्ने विषयमा सहमती दिएको छ । तर, वेस्टइन्डिजका ओपनर ब्याट्सम्यान क्रिस गेलको मागलाई भने आइसिसीले सोझै असहमती जनाएको रिपोर्टमा छ ।
इंग्ल्यान्डमा जारी एकदिवसीय विश्वकप क्रिकेटमा आफ्नो पहिलो खेलमा धोनीले भारतीय सेनाको बलिदानको चिन्ह प्रयोग गरेका थिए । उनले आफ्नो ग्लोब्समा प्रयोग गरेको उक्त चिन्ह बारे विवाद भएपछि आइसिसीले चिन्ह हटाउन आदेश दिएका थियो ।
तर, भारतीय क्रिकेट बोर्डको दबाबले गर्दा आइसिसीले धोनीलाई उक्त चिन्ह प्रयोग गर्न सहमती जनाएको एक रिपोर्टले जनाएको छ । रिपोर्टका अनुसार धोनीले उक्त भारतीय सेनाको बलिदानको चिन्ह प्रयोग पाउनु पर्छ भन्दै आइसिसीलाई भारतले दबाब दिएको जाएको छ ।
अब खबर छ की वेस्टइन्डिजका ब्याट्सम्यान क्रिस गेलले आफ्नो ब्याटमा ‘युनिभर्स बोस’ अंकित लोगाको प्रयोग गर्न आइसिसीलाई अनुरोध गरेका थिए । आफुलाई ‘युनिभर्स बोस’ सम्झिने गेलले आफ्नो ब्याटमा पनि ‘युनिभर्स बोस’को लोगो प्रयोग गर्नु पाँउ भनी अनुरोध गरेको जनाएको छ ।
तर, आइसिसीले गेलको उक्त अनुरोधलाई सोझै अस्विकार गरेको रिपोर्टमा उल्लेख गरेको छ । आइसिसीले कुनै पनि व्यक्तिगत सन्देशका लागि खेलका दौरान कुनै पनि कपडा वा खेल सामग्रीमा कुनै प्रकारको लोगोको प्रयोग नगर्न सूचित गरेको छ ।
आइसिसीले भारतीय खेलाडीलाई कुनै पनि लोगोको प्रयोग गर्न दिनुले अन्य राष्ट्रका खेलाडीमाथी समान न्याय नगरेको आरोप छ । आइसिसीमा भारतीयको बाहुल्यता भएकाले अन्य खलाडीमा बोर्डले भेदभाव गरेको आरोप छ ।
प्रकाशित: Dec 31, 2017| 18:23 आइतबार, पुस १६, २०७४