एजेन्सी- ओपनर रोहित शर्मा र शिखर धवनको उत्कृष्ट पारीको मद्दतले भारतले अष्ट्रेलियालाई ३ सय ५३ रनको विशाल लक्ष्य सुम्पेको छ । टस जितेर पहिले ब्याटिङ गर्ने निर्णय गरेको भारतले निर्धारित ५० ओभरमा ५ विकेट गुमाउँदै ३ सय ५२ रन जोडेको हो ।
उत्कृष्ट सुरुवात गरेको भारतका लागि ओपनर रोहित र धवनले पहिलो विकेटका लागि १२७ रनको योगदान दिए । भारतले पहिलो विकेटको रुपमा रोहितलाई गुमाएको थियो । २२.३ ओभरमा रोहित नाथन कुल्टर-नाइलको बलमा एलेक्स क्यारीको हातबाट क्याचआउट हुँदै पेभिलिएन फर्किए ।
रोहितले ७० बलमा ३ चौका र १ छक्कामो मद्दतमा ५७ रनको अर्धशतकीय पारी खेले । त्यस्तै धवनले ११७ रनको शतकीय पारी खेले । उनले १०९ बलमा १६ चौका प्रहार गर्दै ११७ रनको योगदान दिएका हुन् ।
दोस्रो विकेटको रुपमा धवनले कप्तान विराट कोहलीसँग ९३ रनको साझेदारी गरे । कोहलीले ८२ रनको उत्कृष्ट अर्धशतकीय पारी खेले । उनले ७७ बलमा ४ चौका र २ छक्काको मद्दतमा ८२ रनको अर्धशतकीय पारी खेलेका हुन् ।
हार्दिक पाण्डेयले अर्धशतक बनाउन बाट दुई रनले चुके । उनले आक्रमक ब्याटिङ गर्दै मात्र २७ बलमा ४ चौका र ३ छक्का सहित ४ड रन जोडे । महिन्द्र सिंह धोनीले १४ बलमा ३ चौका र १ छक्का सहित २७ रन जोडे । केएल राहुलमा ११ रनमा अविजित रहे ।
अष्ट्रेलियाका लागि मर्कुस स्टोनीसले दुई विकेट लिए । त्यस्तै नाथन कुल्टर-नाइल, पाट कुमिन्स र मिचेल स्टार्कले एक एक विकेट लिए ।
प्रकाशित: Dec 31, 2017| 18:23 आइतबार, पुस १६, २०७४