काठमाडौं - दशौं कोरियन भाषा परीक्षा शनिबार (आज) र आइतबार हुँदैछ। शनिबार र आइतबार हुने परीक्षाका लागि काठमाडौंमा २१, ललितपुरमा ७ र पोखरामा ४ गरी ३२ परीक्षा केन्द्र तोकिएको छ।
कोरियन भाषा परीक्षाका लागि ९२ हजार ३ सय ५६ जनाले आवेदन दिएका छन्। अघिल्लो वर्षको तुलनामा यो संख्या १० हजार भन्दा धेरैले बढेको हो। यो संख्या २००८ पछिकै सबैभन्दा बढी हो। सन् २०२० का लागि सञ्चालन भएको परीक्षाबाट कोरियाले १० हजार ५० युवालाई छनोट गर्नेछ। यस मध्ये उत्पादनमूलक क्षेत्रमा ७ हजार ५० छानिने छन् भने कृषि क्षेत्रमा ३ हजार युवाको नाम प्रकाशित हुनेछ।
परीक्षा बिहान १० देखि १० : ५० सम्म र दिउँसो १ : ३० देखि २ : २० बजेसम्म सञ्चालन हुनेछ। परीक्षाको नतिजा असार १३ मा प्रकाशित हुनेछ।
प्रकाशित: Dec 31, 2017| 18:23 आइतबार, पुस १६, २०७४