अर्जेन्टिनाको जितमा मेस्सीको दुई गोल 

एजेन्सी- कोपा अमेरिकाको तयारीमा रहेको अर्जेन्टिनाले अन्तर्राष्ट्रिय मैत्रिपूर्ण खेलमा निकारागुयालाई फराकिलो अन्तरले पराजित गरेको छ । शनिबार बिहान भएको खेलमा अर्जेरिनटनाले निकारागुयालाई ५-१ को फराकिलो अन्तरले पराजित गरेको हो । 

अर्जेन्टिनाको जितका लागि कप्तान लियोनल मेस्सी र लाउटारो मार्टिनले दुई तथा रोबर्टो पेरेराले एक गाल गरे । पहिलो आफमा २-० को अग्रता लिएको अर्जेन्टिनाको लागि दुबै गोल कप्तान मेस्सीले गरेका थिए । 

उनले खेलका ३७ औं र ३८ औं मिनेटमा गोल गर्दै अर्जेन्टिनालाई पहिलो हाफमा २-० को अग्रता दिलाएका थिए । दोस्रो हाफमा थप तीन गोल गर्दा एक गाल खान पुगेको थियो । खेलको ६३ औं मिनेटमा लाउटारोले गोल गर्दै अर्जेन्टिनाको अग्रता तेब्बर पारे । 

७३ औं मिनेटमा लाउटारोले नै व्यक्तिगत दोस्रो गोल गर्दै अग्रता ४-० को दिलाए । त्यसपछि खेलको ८१ औं मिनेटमा रोबर्टोले गोल गर्दै अर्जेन्टिनाको गोल संख्या ५ पुर्याए । इन्जुरी निकारागुयाका लागि जुआन बारेराले पेनाल्टीमा गोल गर्दै दुरी घटाएका थिए । अब अर्जेन्टिनाले अर्को आइतबार कोलम्बियासँग खेल्दै कोपा अमेरिकाको सुरुवात गर्ने छ।