वीरगंज– जीतपुरसिमरा उपमहानगरपालिकाको स्याउली बजारमा खाना पकाउने ग्याँस चुहावट भएर आगलागी हुँदा एकै परिवारका चारसहित सातजना घाइते भएका छन्।
जीतपुर सिमरा– १४ स्थित घरमा शुक्रबार बिहान खाना पकाउने ग्याँस चुहिएर भएको आगलागीमा ६७ वर्षीय नजरमान थिङ, २८ वर्षीय सुकुमाया थिङ, ३१ वर्षीय बौद्धमान थिङ र ३२ वर्षीया अनिता थिङ घाइते भएको इलाका प्रहरी कार्यालय सिमराले जनाएको छ। उनीहरू एकै परिवारका सदस्य हुन्।
त्यसैगरी छिमेकी ५२ वर्षीया दिलमाया वाइबा, २८ वर्षीय सुनमाया ब्लोन र २६ वर्षीय कमली माया वाइबासमेत घाइते भएका छन्। घाइतेको उद्दारपछि अल्पाइन अस्पतालमा उपचार भइरहेको इलाका प्रहरी कार्यालय सिमराले जानकारी दिएको छ।
घाइतेका अनुसार सुकमायाले बिहान चिया पकाउने क्रममा नयाँ सिलिण्डरको रेगुलेटर राम्ररी नलागेको हुँदा ग्याँस चुहिएर आगो फैलिएको थियो।
प्रकाशित: Dec 31, 2017| 18:23 आइतबार, पुस १६, २०७४