काठमाडौं – इलोक्ट्रोनिक स्कुटर चलाइरहनु भएको छ ? यदी चलाइरहनुभएको भए अब दर्ता गर्न जानुहोस्। यातायात व्यवस्था विभागले इलेक्ट्रोनिक स्कुटर चलाउनको लागि दर्ता अनिवार्य गरेको छ।
विभागले निर्देशन जारी गरी यदी दर्ता नगरी सञ्चालन गरेको भेटिएमा कारबाही हुने जनाएको छ । यातायात व्यवस्था विभागले सवारी तथा यातायात व्यवस्था ऐन अनुसार इलेक्ट्रिक स्कुटरहरु पनि दर्ता हुनुपर्ने प्रावधान रहेको जनाएको छ।
विभागका अनुसार इलेक्ट्रोनिक स्कुटर दर्ता नगरी चलाएको पाइएमा जरिवाना गर्नको लागि महानगरीय ट्राफिक प्रहरीलाई पत्राचार गरिसकेको छ। सवारी तथा यातायात व्यवस्था ऐन अनुसार सवारी खरिद गरेको पन्ध्रदिन भित्र यातायात व्यवस्था विभागमा दर्ता गराउनुपर्छ। तर इलेक्ट्रिक इस्कुटरहरु दर्ताविना सडकमा संचालन भएकोले विभागले यस्तो निर्देशन दिएको हो।
प्रकाशित: Dec 31, 2017| 18:23 आइतबार, पुस १६, २०७४