काठमाडौं– गत वैशाख १६ गतेदेखि काठमाडौं उपत्यकामा जारी निषेध आदेश भदौ १६ गतेसम्मलाई थपिएको छ।
उपत्यकाका तीनै जिल्लाका प्रमुख जिल्ला अधिकारीहरुको मंगलबार बसेको बैठकले निषेध आदेश थप्ने निर्णय गरेको हो।
जारी निषेध आदेश भदौ ८ गतेसम्म कायम छ। पुरानै मोडालिटीलाई निरन्तरता दिँदै निषेध आदेश थप भएको हो। तर, राति ८ बजेपछि निजी तथा सार्वजनिक सवारीसाधन सञ्चालनमा लगाइएको प्रतिबन्ध भने हटेको छ। स्वास्थ्य सचेतना अपनाएर सवारी चलाउन दिइने निर्णय प्रशासनले गरेको हो।