काठमाडौं- सत्तारुढ दल नेपाल कम्युनिष्ट पार्टी (नेकपा) को सचिवालय बैठक बिहीबार (आज) पनि जारी छ ।
बालुवाटारमा बसिराखेको आजको बैठकले केन्द्रीय सदस्यहरुको कार्यविभाजनको टुङ्गो लगाउने नेताहरुले बताएका छन् ।
मंगलबार र बुधबार बसेको बैठकमा जिल्ला इन्चार्ज र सहइन्चार्जको जिम्मा क–कसलाई कुन मापदण्डका आधारमा दिने भन्ने विषयमा विवाद भएपछि आज पुनः बैठक बसेको हो । आजको बैठकले टुङ्गो लगाउने प्रवक्ता नारायणकाजी श्रेष्ठले जानकारी दिए ।
७७ वटै जिल्लाको इन्चार्ज र सहइन्चार्जको जिम्मेवारी केन्द्रिय सदस्यलाई दिन लागिएको विषयमा अध्यक्ष केपी शर्मा ओली र माधव नेपालबीच विवाद भएको थियो । नेता नेपाल दाहोरो जिम्मेवारी दिनु हुन्न भन्ने पक्षमा छन् भने ओली दिनु पर्नेमा अडानमा देखिएका छन् । अध्यक्ष पुष्पकमल दाहाल प्रचण्डले बुधबारको बैठकमा मध्यमार्गी बाटोको प्रस्ताव गरेका छन् ।
आज केन्द्रीय सदस्यको कार्यविभाजन टुङ्ग्याएर विदेशस्थित प्रवास कमिटीलगायत साङ्गठनिक एकताका बाँकी कामको छलफलमा गरिने प्रवक्ता श्रेष्ठले जानकारी दिए ।
प्रकाशित: Dec 31, 2017| 18:23 आइतबार, पुस १६, २०७४