एजेन्सी– कुसल परेराको उत्कृष्ट अर्धशतकको मद्दतले आईसीसी एकदिवसीय विश्वकप क्रिकेटमा श्रीलंकाले अफगानिस्तालाई १ सय ८७ रनको मध्यम लक्ष्य प्रस्तुत गरेको छ। टस हारेर पहिले ब्याटिङको निम्तो पाएको श्रीलंकाले ३६.५ ओभरमा सबै विकेट गुमाउँदै २ सय १ रन जोडेको थियो ।
बर्षाले प्रभावित पारेपछि खेल ४१ ओभरमा घटाउँदै अफगानिस्तालाई १ सय ८७ रनको लक्ष्य सुम्पेको हो । सानदार सुरुवात गरेको श्रीलंकाका मध्यक्रमका ब्याट्सम्यान नचल्दा सामान्य योगफलमै सिमित भएको हो । श्रीलंकाका लागि कुसलले ७८ रनको उत्कृष्ट अर्धशतकीय पारी खेले । उनले ८१ ब्लमा ८ चौका प्रहार गर्दै ७८ रन जोडेका हुन् ।
त्यस्तै कप्तान डिमुथ करुनारत्नले ३० रन जोडे । उनले ४५ बलमा ३ चौका प्रहार गर्दै ३० रनको योगदान दिए । लाहिरु थिरिमानेले ३४ बलमा १ चौका प्रहार गर्दै २५ रन जोडे । लक्मलले १५ र रुसुरु उदानाले १० रन जोड्न बाहेक अन्य ब्याट्सम्यानले दोहोरो अंकमा रन छुन सकेनन् ।
१३ ओभरमा ९२ रन पुग्दा पहिलो विकेट गुमाएको श्रीलंकाले २२ औं ओभरमा १४४ रनमा दोस्रो विकेटको रुपमा थिरिमानेलाई गुमायो । त्यसपछि एक पछि अर्को गर्दै श्रीलंकाले विकेट गुमाउँदै गरे पछि श्रीलंका संकटमा पर्यो ।
अफगानिस्तानका लागि मोहम्मद नाबीले ४ विकेट लिए । त्यस्तै डवालत जद्रान र राशिद खानले समान दुई दुई विकेट लिदा हामिद हसनले एक विकेट लिए ।
प्रकाशित: Dec 31, 2017| 18:23 आइतबार, पुस १६, २०७४