काठमाडौं- दिपेन्द्र सिसंह ऐरीको उत्कृष्ट बलिङमा विभागीय टोली नेपाल पुलिस क्लब विजयी भएको छ । आइतबार राती भएको खेलमा प्रदेश २ लाई २४४ रनले पराजित गरेको हो ।
टस जितेर पहिले ब्याटिङ गरेको पुलिसले दिएको ३ सय ५३ रनको लक्ष्य पछ्याएको प्रदेश २ लाई सस्तैमा समेट्न दिपेन्द्रले पाँच विकेट लिए । प्रदेश २ ले २९ ओभरमा सबै विकेट गुमाउँदै मात्र ९७ रन बनायो ।
प्रदेश २ हरिशंकर शाहले २९, महबुब आलमले २१, रभी शाहले १५ र सुरज पटेलले १२ रन बनाउन बाहेक अन्य ब्याट्सम्यानले दोहोरो अंकमा रन छुन सकेनन् । पुलिसका लागि दिपेन्द्र सिंह ऐरीले १० ओरमा २८ रन खर्चदै पाँच विकेट लिए । त्यस्तै ललित राजवंशीले तीन र कुसल भुर्तेलले एक विकेट लिए ।
यसअघि पुलिसका लागि अमित श्रेष्ठले अर्धशतकीय पारी खेलेका थिए । उनले ४२ बलमा ५ चौका र १ छक्का प्रहार गर्दै ५० रन जोडे । सुनिल धमलाले ७७ बलमा ३ चौकाको मद्दतमा ४३ रन जोडे ।
त्यस्तै अनिल साहले ३७, कुसल भुर्तेलले ३५, आरिफ शेखले ३२, दिपेन्द्र सिंह ऐरीले १८ र पवन सराफले १३ रन जोडे । प्रदेश २ का लागि साम्सद शेखले ४ विकेट लिए । राशिद खानले दुई तथा कुमार थापा र दिभ्यान्सु मलिकले एक एक विकेट लिए ।
स जितसँगै पुलिस सिमूह बी को विजेता बन्दै सेमिफाइनल प्रवेश गरेका छ । त्यस्तै अर्को विभागीय टोली त्रिभुवन आर्मी समूह उपविजेता बन्दै सेमिफाइन प्रवेश गरी सकेको छ ।
प्रकाशित: Dec 31, 2017| 18:23 आइतबार, पुस १६, २०७४