एजेन्सी- आईसीसी एकदिवसीय विश्वकप क्रिकेटमा अफगानिस्तानले अष्ट्रेलियालाई जितका लागि २ सय ८ रनको लक्ष्य सुम्पेको छ । टस जितेर पहिले ब्याटिङ गर्ने निर्णय गरेको अफगानिस्तानले ३८.२ ओभरमा सबै विकेट गुमाउँदै २ सय ७ रन जोडेको हो ।
खराब सुरुवात गरेको अफगानिस्तानका लागि नजिबुल्लाह जाद्रनले अर्धशतकीय पारी खेले । उनले ४९ बलमा ७ चौका र २ छक्काको मद्दतमा ५१ रनको अर्धशतकीय पारी खेलेका हुन् ।
रहमत शाह अर्धशतक बनाउबाट सात रनले चुके । उनले ६० बल खेल्दै ६ चौकाको मद्दतमा ४३ रन जोडे । कप्तान गुल्बादिन नइबले ३१ रन जोडे । राशिद खानले आक्रमक ब्याटिङ गर्दै ११ बलमा २ चौका र ३ छक्का सहित २७ रनको योगदान दिए ।
उनले ३३ बलमा ४ चौका र १ छक्का प्रहार गर्दै ३१ रन जोडेका हुन् । हश्मतुल्लाह शाहिदले ३४ बलमा ३ चौका सहित १८ रन जोडे । मुजिव उर रहमनले ९ बलमा १ चौका र १ छक्काको मद्दतमा १३ रन जोडे ।
अष्ट्रेलियाका लागि अदाम पट कुमिन्स र जाम्पाले समान तीन तीन तथा मार्कुस स्टोनिस दुई विकेट लिए । त्यस्तै मिचेल स्ट्रकले एक एक विकेट लिए ।
प्रकाशित: Dec 31, 2017| 18:23 आइतबार, पुस १६, २०७४