एजेन्सी- वेस्टइन्डिजका ओपनर तथा आक्रमक ब्याट्सम्यान क्रिस गेलले विश्वकप एकदिवसीय क्रिकेटमा नयाँ रेबर्ड बनाएका छन् । उनले शुक्रबार पाकिस्तानविरुद्ध खेल्दै विश्वकपमा सर्वाधिक छक्का पहर गर्ने खेलाडीको रेकर्ड आफ्ना नाममा गरेका हुन् ।
उनले शुक्रबार पाकिस्तानविरुद्ध भएको खेलमा ६ चौका र ३ छक्का पहर गर्दै ५० रनको अर्धशतकीय पारी खेलेका थिए । खास गरी एक वा दुई रन लिन नखोज्ने गेलले क्रिजमा उत्रिने बित्तीकै निकैनै आक्रमक प्रस्तुत हुने गर्दछन् ।
३९ वर्षीय गेलले विश्वकपमा सर्वाधिक छक्का प्रहार गर्ने खेलाडीको रेकर्ड आफ्नो नाममा गर्दा, उनको सर्वाधिक छक्का ४० पुगेको छ । यसअघि दक्षिण अफ्रिकाका एबी डिभीलियर्सलसँग ३७ छक्का सहित यो रेकर्ड संयुक्तरुपमा दुबैको नाममा थियो ।
सन्यास लिएका डिभीलियर्सल २३ खेलमा ३७ छक्का प्रहार गरेका थिए । तर, गलेले भने विश्वकपका २७ खेलमा सर्वाधिक ४० छक्का पुर्याएका हुन । त्यस्तै विश्वकपमा सर्वाधिक छक्का प्रहार गर्ने खेलाडीको तेस्रो स्थानमा अष्ट्रेलियाका रिक्की पोन्टीङ रहेका छन् ।
उनको नाममा ३१ छक्का रहँदा न्युजल्यान्डका विकेटकीपर ब्याट्सम्यान ब्रेन्डन म्याकलम २९ छक्का सहित चौथो स्थानमा छन् । दक्षिण अफ्रिकाका पूर्व आक्रमक आ्पनर हर्शेल गिब्स २८ छक्का सहित पाँचौ स्थानमा छन् ।
यससँगै गेलले अन्तर्राष्ट्रि क्रिकेटमा १९ हजार रन समेत पुरा गरेका छन् । गेल १९ हजार रन बनाउने वेस्टइन्डिजका तेस्रो खेलाडी बनेका छन् । उनी अघि वेस्टइन्डिजका लागि ब्रायन लाराले २२ हजार २ सय ६० र शिवनारायण चन्द्रपालले २० हजार ९ सय ८८ रन बनाएका छन् ।
प्रकाशित: Dec 31, 2017| 18:23 आइतबार, पुस १६, २०७४