काठमाडौं- प्रधानमन्त्री कप एकदिवसीय क्रिकेट प्रतियोगितामा विभागीय टोली एपिएफले लगातार तेस्रो जित निकालेको छ । शुक्रबार भएको खेलमा गण्डकी प्रदेशलाई ६ विकेटले पराजित गर्दै प्रतियोगितामा लगातार तेस्रो जित निकालेकोन हो ।
गण्डकीले दिएको १ सय २६ रनको सामान्य लक्ष्य पछ्याएको एपिएफले २३ ओभरमा मात्र ४ विकेट गुमाउँदै पुरागर्यो । एपिएफका लागि शरद भेसवाकरले अविजित ३५ रन जोडे ।
उनले ५४ बलमा ४ चौका प्रहार गर्दै ३५ रन जोडेका हुन् । त्यस्तै प्रदिप ऐरीले ३३ र आसिफ शेखले २० रन जोड । गण्डकीका लागि दिपेस श्रेष्ठले तीन तथा किसोर महतोले एक विकेट लिए ।
यसअघि टस हारेर पहिले ब्याटिङको निम्तो पाएको गण्डकीले ४१.२ ओभरमा सबै विकेट गुमाउँदै १२५ रन जोडेको थियो । गण्डकीका लागि दिपेश श्रेष्ठले २७ रन जोडे । त्यस्तै आकाश थापाले १९, बिपिन खत्रीले १७, अनिल गुरुङले ११, किशोर महत्व १५ रन बनाउन काहेृक अन्य खेलाडीले दोहोरो अंकमा रन छुन सकेनन् ।
एपीएफका भुवन कार्कीले ३ विकेट तथा अमर सिंह रट्यौला, यज्ञमान कुमाल र शरद भेसवाकरले समान दुई दुई विकेट लिए । यसजितसँगै समूह ए मा रहेको एपिएफले ३ खेलमा ६ अंक जोड्दै शीर्ष स्थानमा छ । जित विहिन गण्डकी अंक तालिकाको पुछारमा छ ।
प्रकाशित: Dec 31, 2017| 18:23 आइतबार, पुस १६, २०७४