काठमाडौं - विशेष सूचनाका आधारमा प्रहरीले अबैध अन्तर्राष्ट्रिय कल बाईपास गर्ने एकजनालाई पक्राउ गरेको छ। केन्द्रीय अनुसन्धान ब्यूरो महाराजगञ्जबाट खटीएको टोलीले महराजगन्ज थाना नौतनवा ग्राम सोनौली भारत घर भएका खुर्सेद अन्सारीलाई पक्राउ गरेको हो। उनी रुपन्देहीको सिद्धार्थनगर नगरपालिकामा मैनुद्धीन धुनियाको घरमा डेरा गरी बस्दै आएका थिए।
अन्सारीले नेपाल दुर संचार प्रणालीमा हानी नोक्सानी हुने VOIP (Voice Over Internet Protocol) संचालन गरेको पाइएकोले उनको बस्ने कोठा खानतलासी गर्दा कल बाईपास गर्ने सामानहरु बरामद गरिएको प्रहरीले जानकारी दिएको छ। घटनाबारे थप अन्सन्धान भैरहेको प्रहरीले जानकारी दिएको छ।
प्रकाशित: Dec 31, 2017| 18:23 आइतबार, पुस १६, २०७४