काठमाडौं– आईसीसी एक दिवसीय विश्वकप लिग २ का चार खेल र पपुवा न्युगिनीसँग दुई मैत्रीपूर्ण खेलका लागि नेपाली राष्ट्रिय क्रिकेट टिम ओमन प्रस्थान गरेको छ।
नेपाल क्रिकेट संघ (क्यान)ले आज खेलाडीलाई भर्चुअल बिदाई गरेको हो। नेपालले ओमनमा ओमन र अमेरिकासँग समान २–२ खेल खेल्नेछ। त्यो खेल विश्वकप लिग-२ अन्तर्गतको हुनेछ।
नेपालले अत्यसअघि घरेलु मैदानमै ओमन र अमेरिकासँग दुई/दुई खेल खेलिसकेको छ। जहाँ नेपालले अमेरिकालाई हराएको छ भने ओमसँग हार बेहोरेको छ।
अंकतालिकामा नेपाल पुछारबाट दोस्रो स्थानमा। नेपालको चार अंक छ। शीर्षस्थानमा रहेको ओमनको २६ अंक छ।
ओमन भ्रमणमा रहेका खेलाडी
ज्ञानेन्द्र मल्ल, दिपेन्द्र सिंह ऐरी, कुशल भुर्तेल, आसिफ शेख, गुलशन झा, आरिफ शेख, कुशल मल्ल, विनोद भण्डारी, करण केसी, सोमपाल कामी, सन्दिप लामिछाने, पवन सराफ, अविनाश बोहरा, रोहित पौडेल, सुशन भारी, शरद भेषवकर र बिक्रम शोब रहेका छन्।
प्रशिक्षक र अफिसियल
डेभ वाटमोर, मोहम्मद दाउद अन्सारी, रमण शिवाकोटी, विक्रम न्यौपाने र राशेक काशिभाई गाहिल रहेका छन्।