एजेन्सी- यस पटकको विश्वकप एकदिवसीय क्रिकेट प्रतियोगिता कैयौ खेलाडीका लागि खास हुने छ । स्टार खेलाडी समेत विश्वकपमा आफुलाई उत्कृष्ट सावित गर्न लागि पर्ने छन् । त्यस्तै पहिलो पटक विश्वकपमा सहभागीता जनाउने खेलाडीले झनै आफुलाई उत्कृष्ट सावित गर्दै डेब्यु विश्वकपमै छाप राख्न हरप्रयास गर्ने छन् ।
विश्वकपमा सहभागीता जनाउने १० टोलीका ८१ खेलाडीले पहिलोपटक विश्वकप खेल्दै छन् । त्यसमध्य पछिल्लो समय लगातार सानदार प्रदर्शन गर्दै आएका केही उत्कृष्ट खेलाडीहरु । जसले विश्वकपमा पहिलो पटक सहभागीता जनाउँदै छन् ।
जसप्रीत बुमराह (भारत)एकदिवसीय क्रिकेटमा २०१६ मा डेब्यु गरेका जसप्रीतले पहिलो पटक एकदिवसीय विश्वकप खेल्दै छन् । भारतीय तिब्र गतिका बलर बुमराहले ४९ खेलमा २२.१५ को औसतमा ८५ विकेट लिएका छन् । उनको स्ट्राइक रेट ४.५१ रहेको छ । बुमराको सबैभन्दा सबल पक्ष नयाँ र पुरानो बलमा एक समान प्रदर्शन रहन्छ ।
राशिद खान (अफगानिस्तान)जुन तरिकामा भारतीय टोली तिब्र गतिका बलर बुमराहमा निर्भर छ, त्यसरी गरी अफगानिस्तानको टोली पनि राशिद खानमा निर्भर रहेको छ । अक्टुबर २०१५ मा अन्तर्राष्ट्रिय खेलमा डेब्यु गरेका राशिदले आफ्नो उत्कृष्ट प्रदर्शनले धेरैजसो विश्वस्तरीय ब्याट्सम्यानलाई पेभिलियन फर्काएका छन् ।
डेब्यु पछि एकदिवसीयमा राशिद सबै भन्दा बढी विकेट लिने खेलाडी बनेका छन् । उनले १५.०८ को औसतमा १२५ विकेट लिएका छन् । एकदिवसीयमा उनको इकोनोमी रेट ३.९१ रहेको छ । उनी बलिङसँगै तल्लो क्रममा आक्रमक ब्याटिङ पनि गर्न सक्ने सामार्थे राख्दछन् । उनको नाममा ४ अर्धशतक छन् ।
फखर जमा (पाकिस्तान)पाकिस्तानका ओपनर ब्याट्सम्यान फखर जमा पनि एक उत्कृष्ट ब्याट्सम्यान हुन् । उनीमाथी धेरै जसो क्रिकेट विश्लेषकको नजर परेको छ । दुई वर्ष पहिले च्याम्पियन्स ट्रफीमा भारतविरुद्ध शतक प्रहार गर्दै उपाधि दिलाएका उनले उक्त प्रतियोगितामा जस्तो सुकै परिस्थितीमा पनि रन जोड्दै आफुलाई उत्कृष्ट खेलाडी भएको सावित गरेका थिए ।
२९ बर्षीय जमाले ३६ एकदिवसीय प्रतियोगिता खेल्दा ५१.३१ को औसत र ९८.१४ को स्ट्राइक रेटमा १ हजार ६४२ रन जोडेका छन् । उनी एकदिवसीयमा दोहोरो शतक प्रहार गर्ने पाकिस्तानका एक्लो खेलाडी हुन ।
शाई होप (वेस्टइन्डिज)जमा जस्तै वेस्टइन्डिजका शीर्ष क्रमका ब्याट्सम्यान शाई होपको औसत पनि ५० भन्दा बढी छ । २५ वर्षीय शाईले ५४ खेल खेलका छन् । उनले ५१.०६ को औसतमा २ हजार २४७ रन बनाएका छन् ।
जसमा ६ शतक छन् । उनको प्रदर्शन ओपनर ब्याट्सम्यानमा झनै राम्रो रहेको छ । उनले ओपनर ब्याटिङ गर्ने क्रममा ४ शतक प्रहार गरेका छन् । विश्वकपमा उनी वेस्टइन्डिजका लागि सबै भन्दा आशादित खेलाडी मध्य एक हुन् ।
जोनी बेयरस्टो (इंग्ल्यान्ड)इंग्ल्यान्डको प्रदर्शन यसपटक सन्तोस जनक रहनुमा जोन बेयरस्टोलाई टिमको मुख्य आधार मानेको छ । उनले आइपिएलका १० खेलमा ५५.६२ को औसतमा ४४५ रन जोडेका थिए । उनी तिब्र तथा स्पिनर बलर सामु मज्जैले खुलेर खेल्न सक्ने क्षमतावान खेलाडी हुन् ।
उनेल ६३ एकदिवसीय खेलमा ४७.५३ को औसतमा २ हजार ३२९ रन बनाएका छन् । तर, घरेलु मैदानमा उनी झनै आक्रमक प्रस्तुत हुने गर्दछन् । इंग्ल्यान्डमा उनले ६३.२१ को औसतमा १ हजार ४५४ रन जोडेका छन् ।
हार्दिक पाण्डेय (भारत) हार्दिक पाण्डेयले अन्तर्राष्ट्रिय प्रतियोगितामा डेब्यु गरेदेखी उत्कृष्ट पारी खेलेका छन् । उनी आक्रमक ब्याटिङसँगै एक तिब्र गतिका बलर पनि हुन् । ४५ एकदिवसीय खेल खेलेका हार्दिकले २९ पारीमा कुल ७३१ रन बनाएका छन् । उनले ४४ विकेट समेत लिएका छन् ।
यि खेलाडी बाहेक मार्कस स्टोइनिस (अष्ट्रेलिया), जेसन राय (इंग्ल्यान्ड), निकोलस पुरन (वेस्टइन्डिज), कालिन डी ग्रेडहोम (न्युजल्यान्ड) बाबर आजम (पाकिस्तान), कागिसो रबाडा (दक्षिण अफ्रीका)को प्रदर्शन पनि उत्कृष्ट रहेको छ ।
प्रकाशित: Dec 31, 2017| 18:23 आइतबार, पुस १६, २०७४