काठमाडौं – उपत्यकामा कोठा भाडामा लगाइदिने र मिलाइदिने भन्दै ठगी गर्ने एकजनालाई प्रहरीले नियन्त्रणमा लिएको छ।
महानगरीय अपराध माहाशाखले ठगी गर्दै हिड्ने भोजपुर साल्पा सिलिछो–९ का रामचन्द्र भट्टराईले जुम्लाबाट पक्राउ गरी काठमाडौं ल्याएको छ। पक्राउ परेका भट्टराईले ‘रुम फ्ल्याट रेन्ट ईन काठमाडौं’ नामक फेसबुक पेज बनाई एकजना ग्राहकबाट १५ सयदेखि चार हजारसम्म असुल्ने गरेका थिए।
उनले आईएमई पे वालेट र ई सेवामार्फत कोठा खोज्नु अघि सेवाग्राहीबाट रकम लिने गरेका थिए। पैसा लिएपछि उनी सम्पर्क विहीन हुने गरेका महाशाखाले जनाएको छ।
भट्टराईले जुम्लामा बसेर काठमाडौंमा कोठा खजिदिने भन्दै २५० बढीलाई ठगेका प्रारम्भिक अनुसन्धानबाट खुलेको छ। प्रहरीले उनको साथबाट एक थान ल्यापटप, २ मोवाईल, पेनड्राईभ, विभिन्न बैंकका ५ वटा चेक, पाँचवटा एटिएम बरामद गरेको छ। पीडितको उजुरीपछि उनलाई महाशाखाले जुम्लाबाट पक्राउ गरि काठमाडौं ल्याएको हो।
प्रकाशित: Dec 31, 2017| 18:23 आइतबार, पुस १६, २०७४