सेती नदीमा मलामी बेपत्ता

धनगढी - डोटीको सेती नदीमा बगेर एक मलामी बेपत्ता भएका छन्। आदर्श गाउँपालिका-५ लामीखालका ४५ वर्षीय पुस्कर सिंह शिखर नगरपालिकाको गोपघाट नजिकै नदीमा बगेर वेपत्ता भएका जिल्ला प्रहरी कार्यालय डोटीका प्रहरी प्रमूख प्रहरी उपरीक्षक विद्यानन्द माझीले जानकारी दिए।

स्थानीय छिमेकीको मलामी आएका सिंह सेती नदीमा नुहाउने क्रममा बगेर वेपत्ता भएका गोपघाटका स्थानीय जगन्नाथ बलायरले बताए। उनको खोजीका लागि जिल्ला प्रहरी कार्यालयको टोली घटनास्थलतर्फ गैसकेको छ।

डोटीमा करिब दुर्इ हप्ताको अवधिमा सेती नदीले बगाएको यो तेस्रो घटना हो।