काठमाडौं- काठमाडौं उपत्यकासहित विभिन्न स्थानबाट नेत्र विक्रम चन्द ‘विप्लव’ नेतृत्वको नेपाल कम्युनिष्ट पार्टीका १२ जना कार्यकर्ता पक्राउ परेका छन्।
आइतबार राति काटेश्वर नरेफाटबाट ७ जना, ललितपुरबाट ४ जना र झापाबाट १ जना पक्राउ परेको नेपाल प्रहरीका प्रवक्ता विश्वराज पोखरेलले जनाएका छन्। पक्राउ पर्नेहरु विप्लव समूहको रहेको जनाइएको छ।
शंकास्पद व्यक्ति वा समूह देखिएको खण्डमा प्रहरीलाई खबर गर्न पोखरेलले आग्रह गरेका छन्। आइतबार काठमाडौंसहित विभिन्न स्थानमा भएको विस्फोटमा विप्लव समूहकै ४ जना कार्यकर्ता मारिएको प्रहरीले जनाएको छ।
प्रकाशित: Dec 31, 2017| 18:23 आइतबार, पुस १६, २०७४