काठमाडौं- इनोभेटिभ र स्किब्सले तेश्रो केभीकेएसएस अन्तरविद्यालय बास्केटबल प्रतियोगिताको गल्र्समा शुक्रबार विजयी सुरुआत गरेका छन् ।
इनोभेटिभले द चाँदबाग स्कुललाई २५-१९ ले पराजित गर्यो । इनोभेटिभको जितमा सब्यता महर्जनले १४ अंक योगदान गरिन् । सिर्जना आले मगरको १८ अंक सहयोगमा स्किब्सले आयोजक काठमाडौं विद्याकुञ्जलाई ३९-२७ ले हरायो ।
गल्र्सकै अन्य खेलमा सिद्धार्थ बनस्थलीले एसियन पब्लिकलाई २८-१४, एचएचसीएले त्रियोगलाई २१-१२ र भ्याली पब्लिकले त्रिज्योतिलाई २४-१० ले पाखा लगायो । सिद्धार्थ बनस्थलीकी रक्षा श्रेष्ठले १२, एचएचसीएकी अनिता सुनवारले ८ र भ्याली पब्लिककी सुजु गुरुङले ११ स्कोर गरे ।
ब्वाइजमा सेबले स्काइलार्कलाई ४०-२६, काठमाडौं जेभियरले काठमाडौं विद्याकुञ्जलाई ४९-३७ र एसियन पब्लिकले त्रियोगलाई ३०-१८ ले पन्छाए । सेबका बाबुराम पुनले २०, काठमाडौं जेभियरका प्रशान्त छाहरले १५ र एसियन पब्लिककी मोहित गुरुङले १५ अंक जोडे ।
प्रकाशित: Dec 31, 2017| 18:23 आइतबार, पुस १६, २०७४