गर्मीबाट बच्न कारमा गोबर!

काठमाडौं - अहिलेको मौसम धेरै परिवर्तन भइरहेको छ। मौसमसँगै गर्मी पनि ज्यादै बढिरहेको छ। गर्मीबाट बच्न मानिसहरू अनेक उपाय अपनाइरहेका छन्। यस्तैमा भारतकी आहमदबादकी एक महिलाले एकदमै अनौठो तरिका पत्ता लगाएकी छन। उनले लाखौं पर्ने कारलाई चिसो राख्न भनेर गाईको गोबरले लिपेकी छन्।

फेसबुकमा रुपेश गौरङ दासले गोबर दलेको कारको फोटो सेयर गरेका थिए। अहिले सामाजिक सञ्जालमा यो फोटो भाइरल भइरहेको छ। रुपेशका अनुसार महिलाको नाम सेजल हो। रुपेशले लेखेका छन्, ‘अहिलेसम्ममा मैले गाईको गोबर राम्रोसँग उपयोग भएको देखेको यही आहमदाबादमा हो।’ ४५ डिग्रीको तापक्रमबाट बच्न र कारलाई पनि तातो हुनबाट बचाउन उनले कारलाई गोबरले लिपेकी छन्।