कारबाही सिफारिसमा परेका न्यायाधीश उपाध्यायले दिए राजीनामा

काठमाडौं – न्यायपरिषदको छानबिन नक्कली शैक्षिक प्रमाणपत्र भएको भन्दै कारबाही सिफारिसमा परेपछि जिल्ला न्यायाधीश ओमकार उपाध्यायले राजीनामा दिएका छन्। उपाध्यायले कायममुकायम प्रधानन्यायाधीश दीपक कार्की सामु राजीनामा बुझाएका हुन्।

उनी विरूद्धका उजुरीमा छानविन गर्न परिषद सदस्य रामप्रसाद सिटौला र पदम वैदिकको समिति बनेको थियो। समितिले उनलाई कारबाही सिफारिस गरेकोमा न्यायपरिषदले उक्त सिफारीस राजपत्रमै प्रकाशित गरेको छ।

उपाध्यायले न्यायपरिषदमा भारतको कानपुर विश्वविद्यालय (हाल छत्रपति साहुजी महाराज विश्वविद्यालय) बाट स्नातक तहको शैक्षिक प्रमाणपत्रका रूपमा प्रोभिजनल सर्टिफिकेटमात्र बुझाएको न्यायपरिषदले जनाएको छ।