एजेन्सी- स्पेनिस ला लिगाको अन्तिम खेलमा रियल मड्रिडले लज्जासपद हार ब्यहोरेको छ । आइतबार घरेलु मैदानमा भएको खेलमा रियलले रियल बेटिससँग २-० को लज्जासपद हार ब्यहोरेको हो ।
पहिलो हाफ गोल रहित बराबरीमा सकिएको खेलको दोस्रो हाफमा रियल बेटिसले दुबै गोले गरेका थियो । पाहुना टोलीको जितका लागि लोरेन मोरोन र जेसेले एक एक गोल गरे ।
खेलको ६१ औं मिनेटमा लोरेनले गोल गर्दै पाहुना टोलीलाई सुरुवाती अग्रता दिलाएका थिए । त्यसपछि ७५ औं मिनेटमा जेसेले गोल गर्दै रियल बेटिसलाई २-० को जित दिलाए । यस जितसँगै रियल बेटिसले अंक तालिकाको १० औं स्थानमा पुगेर जारी सिजनको अन्त्य गरेको छ ।
बेटिस ५० अंक सहित १० औं स्थानमा रहँदा पराजित रियल मड्रिड तेस्रो स्थानमा यथावत छ । ३८ खेल खेलेको रियलको ६८ अंक छ । रियल शीर्ष स्थानको बार्सिलोना भन्दा १८ अंकले पछि छ ।
प्रकाशित: Dec 31, 2017| 18:23 आइतबार, पुस १६, २०७४