धनगढी - जबरजस्ती करणी गर्न खोजेको आरोपमा धनगढीमा एक जना पक्राउ परेका छन्। वडा प्रहरी कार्यालयले धनगढी उपमहानगरपालिका वडा नम्बर ५ हसनपुरमा शुक्रबार राती युवतीको कोठामै प्रवेश गरी जबरजस्ती करणी गर्न खोजेको आरोपमा डोटीको शिखर नगरपालिका ५ का ४५ वर्षीय धनकुमार जोशीलाई पक्राउ गरेर जिल्ला प्रहरी कार्यालय कैलालीमा बुझाएको छ।
वडा प्रहरी कार्यालयका प्रहरी निरीक्षक वकिल बहादुर सिंहले हसनपुरका स्थानीय दिपक मल्लको घरमा डेरा गरी बस्दै आएका जोशीले राती साढे १ बजेको समयमा २० वर्षीया युवतीको कोठामै प्रवेश गरी करणी गर्न खोजेको जाहेरीका आधारमा पक्राउ गरिएको जानकारी दिए। दुवै जना एउटै घरमा डेरा गरी बस्दै आएका थिए। घटनाको थप अनुसन्धान भइरहेको कैलालीका प्रहरी नायब उपरिक्षक दक्ष कुमार बस्नेतले बताए।
प्रकाशित: Dec 31, 2017| 18:23 आइतबार, पुस १६, २०७४