धनगढी - सेती नदीमा नुहाउने क्रममा एक शिक्षक बगेर बेपत्ता भएका छन्। वेपत्ता हुनेमा डोटीको के.आई.सिंह गाउँपालिका-५ रानागाउँ घर भएका २९ वर्षीय योग बहादुर रावल रहेका जिल्ला प्रहरी कार्यालय डोटीका प्रहरी उपरीक्षक विद्यानन्द माझीले जानकारी दिए।
शुक्रबार दिउँसो उनी शिखर नगरपालिका-२ मा पर्ने सालमुनीमा पूजा गर्न गएका थिए। सोही ठाउँमा नुहाउने क्रममा रावल बगेर वेपत्ता भएको हुन सक्ने प्रहरीले जनाएको छ। रानागाउँको सरस्वती माध्यमिक विद्यालयमा नेपाली विषयका शिक्षकसमेत रहेका रावलको खोजी कार्य भैरहेको प्रहरीले जनाएको छ।
प्रकाशित: Dec 31, 2017| 18:23 आइतबार, पुस १६, २०७४