विश्वकपमा सर्वाधिक रन बनाउने पाँच खेलाडी

एजेन्सी- १२ औं संस्करणको एकदिवसीय विश्वकप क्रिकेट जुन ३० बाट इंग्ल्याण्डमा सुरु हुँदै छ । विश्वकप क्रिकेटको उद्घाटन खेलका आयोजक इंग्ल्याण्ड र दक्षिण अमेरीका खेल्दै छन् । तर, हाल सम्म एकदिवसीय विश्वकप क्रिकेटमा सर्वाधिक रन बनाउने खेलाडी को होलान् त ? 

त्यो सबै खेल प्रेमी र समर्थकका लागि चासोकबो बिषय बन्ने गर्दछ । हाल सम्मको आंकडा हेर्ने हो भने विश्वकपमा सर्वाधिक रन बनाउने खेलाडीमा भारतीय पूर्ण ब्याट्सम्यान सचिन तेन्दुलकर रहेका छन् । हेरौ विश्वकपमा कसले कती रन बनाए ।

सचिन खेन्दुकर (भारत)

पूर्ण भारतीय ब्याट्सम्यान सचिन तेन्दुलकर एकदिवसीय विश्वकप क्रिकेटमा सर्वाधिक रन बनाउने खेलाडीको पहिलो स्थानमा छन् । सन् १९९२ मा पहिलो पटक एकदिवसीय विश्वकप क्रिकेट खेलेका सचिनले सन् २०११ को विश्वकप सम्म खेलेका थिए । २०११ मा भारतले दोस्रो पटक एकदिवसीय विश्वकप क्रिकेटको उपाधि जितेको थियो । 

यस दौरान सचिनले एकदिवसीय विश्वकप क्रिकेटमा ४५ खेल खेले । उनले ४५ खेल खेल्दा कुल २ हजार २ सय २८ रन बनाए । यसमा उनको ६ शतक र १५ अर्धसतक सम्मिलित छन् । सचिनको एकदिवसीय विश्वकप क्रिकेटको एक खेलमा सर्वाधिक रन १५२ रन रहेको छ ।

रिकी पोन्टिङ् (अष्ट्रेलिया)

अष्ट्रलियाका रिकी पोन्टिङ् एकदिवसीय विश्वकप क्रिकेटमा सर्वाधिक रन बनाउने खेलाडीको दोस्रो स्थानमा रहेका छन् । अष्ट्रेलियाका पूर्ण कप्तान समेत रहेका उनले एकदिवसीय विश्वकप क्रिकेटमा ४६ खेल खेलेका छन् । ४६ खेलमा १ हजार ७ सय ४३ रन बनाएका रिकीले ५ शतक र ६ अर्धशतक बनाए । उनको विश्वकपमा सर्वाधिक स्कोर १४० रहेको छ ।

कुमार संगकारा (श्रीलंका)

सन् २००३ देखी २०१५ सम्म श्रीलंकाका लागि एकदिवसीय विश्वकप क्रिकेट खेलेका कुमार सर्वाधिक रन बनाउने खेलाडीको तेस्रो स्थानमा छन् । उनले एकदिवसीय विश्वकप क्रिकेटमा हाल सम्म ३७ खेल खेले । उनले १ हजार ५ सय ३२ रन जोड्दा ५ शतक र ७ अर्धसतक समेत बनाए । कुमारको एकदिवसीय विश्वकप क्रिकेटमा सर्वाधिक स्कोर १२४ रहेको छ । 

ब्रायन लारा (वेस्टइन्डिज)

वेस्टइन्डिजका ब्रायन लारा एकदिवसीय विश्वकप क्रिकेटमा सर्वाधिक रन बनाउने खेलाडीको चौंथो स्थानमा छन् । उनले वेस्टन्डिजका लागि १९९२ देखी २००७ सम्म ३४ एकदिवसीय विश्वकपका खेल खेले । लाराले ३४ खेलमा १ हजार २ सय २५ रन बनाए । राराको नाममा एकदिवसीय विश्वकप क्रिकेटमा २ शतक छन् र उनको सर्वाधिक स्कोर ११६ रहेको छ । 

एबी डेविलियर्स (दक्षिण अफ्रीका)

एकदिवसीय विश्वकप क्रिकेटमा दक्षिण अफ्रीकाका ब्याट्सम्यान एबी डेविलियर्स सर्वाधिन रन जोड्नेको पाँचौ स्थानतमा छन् । उनले २००७ को विश्वकप देखी २०१५ को विश्वकप सम्म दक्षिण अफ्रीकाका लागि खेले । उनले एकदिवसीय विश्वकप क्रिकेटमा १ हजार २ सय ७ बन बनाए । डेविलियर्सको नाममा ४ शतक र ६ अर्धशतक रहेका छन् ।