काठमाडौं - काठमाडौं उपत्यकामा भुकम्पको धक्का महसुस गरिएको छ। दिउँसो २ बजेर ८ मिनेटमा भुकम्पको धक्का महसुस गरिएको राष्ट्रिय भूकम्प मापन तथा अनुसन्धान केन्द्रले जनाएको छ।
धादिङको कुम्पुर आसपास केन्द्रबिन्दु भएर ५.० म्याग्निच्यूडको भूकम्प गएको केन्द्रले जानकारी दिएको छ। भूकम्पको धक्का काठमाडौं लगायतका आसपासका क्षेत्रमा पनि महसुस भएको केन्द्रले जनाएको छ। यो भूकम्प २०७२ सालको भूकम्पको पराकम्प भएको केन्द्रले बताएको छ।
प्रकाशित: Dec 31, 2017| 18:23 आइतबार, पुस १६, २०७४