नेपाल विश्व र्‍याफ्टिङको स्प्रिन्टमा पाँचौं स्थानमा

काठमाडौं- अष्ट्रेलियामा जारी १८ औं विश्व र्‍याफ्टिङ च्याम्पियनसिपमा सहभागिता जनाएको नेपालले पुरुषको स्प्रिन्ट विधातर्फ पाँचौ स्थान हासिल  गरेको छ । क्वीन्सल्यान्डस्थित टाली नदीमा बिहिबार भएको प्रतिस्पर्धामा नेपालले निर्धारित दुरी २४७.७८ सेकेन्डमा पुरा गर्दै पाँचौ स्थान हासिल गरेको हो । 

उक्त स्प्रिन्ट स्पर्धामा ब्राजिलले स्वर्ण जित्दा जित्यो । त्यस्तै जापानले रजत जितेको थियो भने रुसले कांस्य हात पारेको थियो। विश्व र्‍याफ्टिङको स्प्रिन्टमा नेपालको यो अहिले सम्मकै उत्कृष्ट नतिजा हो । 

नेपालले सुरज गुरुङको कप्तानीमा प्रतिस्पर्धा गरेको थियो । टोलीमा सुरजसहित शक्तिकुमार गुरुङ, पदम बहादुर गुरुङ, दीपेश गुरुङ, सविन गुरुङ र रविल मियाँ रहेका थिए ।