काठमडौं- काठमाडौंको कालोपुलमा एक व्यक्तिले आफ्नै श्रीमतीमाथि एसिड प्रहार गरेका छन् । कालोपुल नजिकै डेरा गरी बस्ने विष्णु भुजेलले २० वर्षीया श्रीमती जेनी खड्कालाई बुधबार राति एसिड प्रहार गरेका हुन् ।
घरायसी विवादपछि भुजेलले श्रीमतिमाथि एसिड हानेको खुलेको छ । भुजेललाई महानरीय प्रहरी परीसरको टोलीले पेप्सीकोलाबाट बुधबार राति नै पक्राउ गरेको छ ।
उनीमाथि कमलपोखरीवृतले अनुसन्धान गरिराखेको महानगरीय प्रहरी परिसर काठमाडौंका प्रमुख उत्तमराज सुवेदीले जानकारी दिए ।
पारिवारिक कलहकै कारण घटना भएको पुष्टि गर्दै उनले नेपाल समयसँग भने, 'सामाजिक विकृतिका कारणले सृजित अपराधको नमुना हो यो । यस्ता घटनाका दोषीमाथि गहिरो अनुसन्धान र कडा कारबाही हुन्छ ।'
एसिड प्रहारबाट घाइते भएकी जेनी खड्काको किर्तिपुरमा उपचार भइराखेको छ । अवस्था गम्भिर रहेको र छाातिमा बढि असर देखिएको अस्पतालले जनाएको छ ।
प्रकाशित: Dec 31, 2017| 18:23 आइतबार, पुस १६, २०७४