सेनाले माग्यो डाक्टरदेखि पत्रकारसम्म 

काठमाडौं- नेपाली सेनाले विभिन्न प्राविधिक समूहतर्फ डाक्टरदेखि पत्रकारसम्मको आवेदन माग गरेको छ । जंगी अड्डाले प्राविधिक पदको खाली ठाउँमा पदपूर्ती गर्ने भन्दै विभिन्न पदमा २३ जनाको आवेदन मागेको हो ।
 
नेपाली सेनाको भर्ना छनोट निर्देशनालय कार्यरथी विभाग, जंगी अड्डाले लेखाको उपसेनानीका लागि ७ जना, एमबिबिएस डाक्टर १० जना, उपसेनानी पाइलट ५ जना, रिपोर्टर तथा उद्घोषक उपसेनानी १ जनाको दरखास्त माग गरेको छ। 

सबै पदका लागि पुरुषको हकमा उमेर हद १८ वर्ष पुराभइ २९ वर्ष ननाघेको र महिलाको हकमा ३० वर्ष ननाघेको हुनुपर्ने प्रावधान राखिएको छ । जागिरका लागि योग्यता पुगेका नेपाली नागरिकले नारायणहिटी दरबारबाट फारम लिइ जेठ २८ गतेसम्म बुझाइसक्नुपर्ने छ। दरखास्तका लागि एक हजार दस्तुर तोकिएको छ।