अल्टीच्यूड ट्री-एड्‍भेन्चर कम्पिटिसन सम्पन्‍न

काठमाडौं – नेपाली सेनाद्वारा दोस्रो पटक आयोजित राष्ट्रिय स्तरको 'दोस्रो सेना प्रमुखहरुको हाइ अल्टीच्यूड ट्री-एड्‍भेन्चर कम्पिटिसन २०७६’ को मुस्ताङको जोमसोमस्थित श्री सैनिक उच्च शिखर शिक्षालयमा बलाधिकृत रथी शदर कुमार गिरीलको प्रमुख आथित्यतामा सम्पन्न भएको छ।

नेपाली सेनाको त्रिभुवन आर्मी क्लब र सशस्त्र प्रहरी बलको टिमलगायत २० टिमले प्रतिस्पर्धा गरेको उक्त प्रतियोगितामा पुरुषतर्फ क्लाईम्विङ्ग १०० मिटर, रनिङ्ग ४‍.७५ कि.मि. र साइक्लिङ्ग १५.३५ कि।मि। गरी जम्मा २०.२ कि।मि।को निर्धारित दुरी त्रिभुवन आर्मी क्लबको टिम ‘ए’ ले १ घण्टा १९ मिनेट ४२ सेकेण्डमा पुरा गर्दै प्रथम भएको छ। यस्तै सशस्त्र प्रहरी बलले १ घण्टा १९ मिनेट ५२ सेकेण्डमा पुरा गरी द्वितिय र त्रिभुवन आर्मी क्लबको टिम ‘बी’ ले १ घण्टा २४ मिनेट १९ सेकेण्डमा पुरा गरी तृतिय स्थान हासिल गर्न सफल भयो। 

महिलातर्फ सशस्त्र प्रहरी बलको टिमले १ घण्टा ४५ मिनेट ५४ सेकेण्डमा पुरा गरी प्रथम स्थान हासिल गर्दा हिमालयन गोर्टस टिमले १ घण्टा ५२ मिनेट ३० सेकेण्डमा पुरा गरी द्वितिय र त्रिभुवन आर्मी क्लबको टिमले १ घण्टा ५३ मिनेट १६ सेकेण्डमा पुरा गरी तृतिय स्थान हासिल गर्योत। 

प्रतियोगितामा प्रथम, द्वितिय र तृतिय हुने पुरुष तर्फका टिमलाई क्रमशः नगद पुरस्कार ५० हजार, ३०हजार र २० हजार प्रदान गरियो। यस्तै महिला तर्फका टिमलाई क्रमशः नगद पुरस्कार १५ हजार, १० हजार र ५ हजारसहित ट्रफि, पदक तथा प्रमाण प्रदान गरिएको थियो।