एजेन्सी- म्यानचेष्टर सिटी इंग्लिस प्रिमियर लिग फुटबलको च्याम्पियन भएको छ । आईतबार भएको लिगको अन्तिम खेलमा ब्राईटनलाई ४-१ गोल अन्तरले पराजित गर्दै सिटीले प्रिमियर लिगको उपाधि जितेको हो ।
ब्राईटनको घरेलु मौनमा भएको खेलमा घरेलु टोलीले सुरुवाती अग्रता लिएको थियो । सुरुवाती अग्रता जोगाउन नसक्दा ब्राइटन पराजित भएको हो । खेलको २७ औं मिनेटमा घरेलु टोलीले मुरेको गोलबाट अग्रता लिएको थियो ।
तर, २८ औं मिनेटमा सर्जियो अग्युरोले खेल बराबरीमा ल्याए । ३८ औं मिनेटमा लापोर्टीले गोल गर्दै सिटीलाई २-१ को अग्रता दिलाए । त्यसपछि दास्रो हाफमा थप दुई गोल गर्ने क्रममा ६३ औं मिनेटमा रियाद महरेजले गरे ।
त्यस्तै ७२ औं मिनेटमा गुन्डोगानले गोल गर्दै सिटीलाई ४-१ को जित दिलाए । सिटीको जितपछि उपाधि यात्रामा रहेको लिभरपुलले भने उपविजेतामा चित्त बुझायो । सिटीको बराबरी वा हारले उपाधि लिभरपुलले जित्ने सम्भावना थियो ।
तर अन्तिम खेलमा समेत गोल बर्षा गर्दै सिटीले उपाधि रक्षा गर्न सफल रह्यो । सिटीले ९८ अंक सहित लिग उपाधि जित्यो । उपविजेता लिभरपुल मात्र एक अंकले पछाडी रह्यो ।