सिन्धुपाल्चोक- चौथो संस्करणको सिन्धु गोल्ड कपको उपाधि जाउलाखेल युथ क्लबले उचालेको छ । उपाधि सहति जाउलाखेलले ५ लाख नगद हात पारेको छ । दोस्रो हुने गोर्खा ब्वाईजले २ लाख ५० हजार प्राप्त गरेको छ ।
आज भएको खेलमा गोर्खा ब्वाईजलाई २-० गोल अन्तरले पराजित गर्न सफल भएको हो । जाउलाखेलका लागि डेनेल बेजेले व्यक्तिगत दुई गोल गरे । उनले खेलको १८ औँ मिनेटमा पहिलो गोल गरेका उनले खेलको ६१ औँ मिनेटमा दोस्रो गोल गरेका हुन् ।
जाउलाखेल पहिलो हाफ सकिन एक मिनेट बाँकी रहदा १० खेलाडीमा समेटिएको थियो । जाउलाखेलका अदमा रोम्बियाले गोर्खा ब्वाईजका खेलाडीलाई फल गरेपछि रेर्फी रोजेन्द्र खड्कीले पहेँलो कार्ड दिन खोज्दा रेर्फीको हात समातेपछि अक्रोसित रेर्फीले सोझै रातोकार्ड देखाउँदै मैदान बाहिर पठाएका थिए ।
गोर्खा ब्वाईजले दोस्रो हाफमा दुई सुनौलो अवसर पाएपनि सदुपयोग गर्न भने सेकन् । गोर्खा ब्वाईजका खेलाडीले गोल पोष्टमा गरेको सशक्त प्रहार जाउलाखेलका अरुन तामाङले सहजै बचाएका थिए । जाउलाखेल युथ क्लबका खेलाडी प्रतियोगिताका उत्कृष्ट खेलाडी घोसित भए ।
प्रकाशित: Dec 31, 2017| 18:23 आइतबार, पुस १६, २०७४